東京奧運已經過半，緊張刺激嘅田徑登場，廣東好漢蘇錦添預賽跑出9.86秒佳績，打破亞洲紀錄。

八友禮拜六睇女子鉛球，參賽者個個噸位有番咁上下，特別係美國選手桑德絲，戴住個恐怖口罩，先聲奪人。不過，比賽講實力，中國運動員鞏立姣最後一推，超過20米，金牌順利入袋。讀者有冇留意，今年參賽健兒最細年紀乃係敍利亞女乒乓球手莎莎，衹有12歲。年紀最大嘅則係66歲嘅澳洲馬術女選手漢娜。令人感動嘅係46歲烏茲別克體操選手丘索維金娜，初賽被淘汰後，宣佈退役。佢之所以參賽，係想搵奬金為癌病兒治療。

華裔女運動員中年長者係代表盧森堡嘅58歲倪夏蓮及代表澳洲出賽嘅48歲洪劍芳，佢哋曾經為中國國內乒乓球好手，移民後再次發揮昔日光輝，以球技立足於居住地，代表該國出賽。環顧奧運各國乒球健兒，多係華裔面孔，被稱為「海外兵團」。今年係「乒乓外交」五十週年，代表美國出賽嘅多為華人。據知，昔日中國國家隊名將王晨，喺紐約培養咗多個好手。

講起國手，最早移民美國係1970年代嘅中國乒壇十虎之一譚卓林，呢位廣東仔球技標青，八友曾經喺香港睇佢對陣德國削球王，打咗幾個「刁士」才取勝。聽老人中心嘅朋友講，阿譚已經走咗幾年。曾經到紐約訪問嘅國手，記憶中有江嘉良、荘則棟、鄧亞萍等。佢哋曾公開表演過，為僑胞留下深刻印象。

澳洲俘獲高人氣。她在初賽連過三關，卻在三十二強之役敗北，但這場對德國名將韓瑩之戰，令原本對乒乓球運動冷淡的澳洲人，關注這項運動及產生興趣，她亦成為澳洲的運動明星。

洪劍芳本屆奧運從外圍賽打起，連過三關闖進三十二強，最終不敵德國選手韓瑩止步，然而她追平了其在奧運的最好成績。她今日將代表澳洲隊打團體賽，出戰德國隊，她表示可能會再與韓瑩對陣。

洪劍芳出生中國浙江省，十六歲獲得省冠軍，更入選中國乒乓球青年隊。