體育逐步戰勝疫情，從空場比賽到開放觀眾入場觀戰，令人振奮。例如日前中國囯家足球隊，2022年卡塔尔世界杯亚洲区第二轮预选赛（40强赛）A组赛事噝江苏苏州奥体中心開踢，做好防疫措施，放三萬人進場睇波，結果中国队7:0大胜关岛队。後生時代縱橫足球場嘅大隻講說，嬴波當然係好事，但對手關島嘅水准，有如中學生代表隊，勝之不武，從40強賽一路打上去，如果遇到日、韓、伊等強隊，嬴波希望渺茫，一樣攞唔到世足決賽八場券。「國足有西甲海歸武磊喎！」八友說。「2002年夠有曼城海歸孫志毅咯！咁又點。嗰屆世足，如果唔係日韓合辦，多咗一個位，中國隊都入唔到圍啦！」大隻講又說：「中國14億人口，都搵唔到11個梅西、C羅，點解？」

八友則認為國足有機會踢入世足決賽周，原因係朝鮮退出，少咗一個強隊。據知，北韓已宣佈退出2020年卡塔爾足球世界盃的外圍賽。北韓冇講退賽理由，但有消息指平壤擔心新冠病毒，決定退賽。其實都啱嘅，萬一球員踢完波，唔覺意將新冠病毒帶番平壤，豈非大劑。金先生除笨有精，唔想冒咁嘅險，不但退出世足外圍賽，就連東京奧運會，亦都唔玩。八友對朝鮮退出世足，深感可惜。因為該國嘅足球水准，不比韓國差。猶記1968年，朝鮮殺進喺英國舉行嘅世界杯決賽周，一路過關斬將，踢入八強，列強大驚失色。金領隊傲然表示：「我哋唔係來學習，係來捧杯。」可惜對仗「黑豹」尤西比奧領軍嘅葡萄牙時，以4比2輸波，此仗踢到葡隊一身冷汗，平壤雖敗猶榮。而冤家始終係冤家，喺2010年世足賽，朝鮮再進決賽周，第一仗又遇「黑豹」嘅再傳弟子「天殘腳」C羅，呢次輸得慘，7比0。搞到金小小冇嗮面子。其他何必掛齒，巴西咁勁，都輸德國7比1。因此，金領導唔好自卑，終有機會打翻身仗。你睇我哋囯足，屢敗屢戰，永不服輸。